唔知大家會唔會都有呢種煩惱？飲完的純露樽，用完的植物油樽，一大堆樽就好似雞肋咁🤔🤔！不知點算好！

之前去杭州上堂，大會有無限量的純露供應，上完堂後老師就話：大家可以把空瓶子通通帶回家，頓時間，一堆同學就衝去🏃領吉樽！Connie就傻下傻的去問同學：你們要來做什麼？

同學就話：這瓶子品質好，做什麼都ok呀！好像擴香竹就不錯！🙌🏻

噚日打十號風💨💨💨，返唔到工作室，就睇下家中有什麼材料做擴香竹，就地取材吧

擴香竹的竹就用之前用來整串燒的竹簽 無擴香竹的基底液就自製吧

坊間的基底液其實就是酒精，用來調和精油，摷下我個百寶櫃，比我摷到之前浸來做香水底的香草酒，就用佢來調配帶有淡淡的香草味之擴香竹、再配上喜愛的精油後，加上比較淡味的植物油攪到完全混合後，插上竹簽就成了擴香竹🌹

今次Connie整了支檸檬香草🍋🍋味的擴香竹打算帶回工作室，一來檸檬可以僻味（剛裝修好，依然有少許味道）二來又夠經濟！一舉兩得！

各位又有無其他可以循環再用靚靚吉樽的好方法可以分享一下！🙏🏻🙏🏻🙏🏻

#芳香小手工